ԱՐՑԱԽԻ ՆԵՐԴՐՈՒՄԱՅԻՆ ՀԻՄՆԱԴՐԱՄ
Սույն թվականի հոկտեմբերի 26–ին հրավիրված լրատվամիջոցների ներկայացուցիչներին տեղեկացրել է, որ Արցախի Հանրապետության դեմ 2020 թվականի սեպտեմբերի 27-ին սանձազերծված պատերազմական գործողությունների հետևանքով դժվար կացության մեջ հայտնված ֆիզիկական և իրավաբանական անձանց վարկային պարտավորությունների կատարմանն ուղղված պետական ֆինանսական աջակցության ծրագրի իրականացման ծրագրի շրջանակներում առ այսօր հիմնադրամի կողմից ընդունվել է 47 հազար 600 դիմում:«Կառավարության որոշումն ընդունվել է 2021 թվականի մարտ ամսին, իսկ ապրիլից արդեն սկսել ենք աշխատել ծրագրի իրականացման ուղղությամբ: Այս պահի դրությամբ հաստատվել է աջակցության մոտ 35 հազար դիմում, մշակման փուլում է գտնվում 5300 -ը: Հաստատված դիմումներից ավելի քան 24 հազարը հաստատվել է 2022 թվականի ընթացքում,որը վերաբերում է մոտ 52 հազար վարկային պարտավորությունների, այդ թվում՝ 1700-ը գյուղատնտեսական վարկային պարտավորություններ, մոտ 50 հազարը սպառողական վարկային, իսկ 1000-ից ավելին՝ հիփոթեքային վարկային պարտավորություններ: Ընդհանուր առմամբ, 2022 թվականի ընթացքում բոլոր ուղղություններով հիմնադրամի կողմից տրամադրվել է ավելի քան 28 միլիարդ դրամի երաշխավորագիր: Այս տարվա հոկտեմբերի 5-ից կրկին մեկնարկել է դիմումների ընդունման գործընթացը, որը մինչ այս դադարեցվել էր ԱՀ Կառավարության որոշմամբ: Այն քաղաքացիներն ու իրավաբանական անձինք, որոնք չեն հասցրել դիմում ներկայացնել աջակցությունից օգտվելու համար, կարող են այցելել հիմնադրամ և տեղում լրացնել դիմումը»,-ասել է Մ. Մխիթարյանը՝ հավելելով, որ ծրագիրը կիրականացվի մինչև 2023 թվականի հոկտեմբերի 1-ը:Նշվեց նաև  որ, աջակցությունից կարող է օգտվել այն ֆիզիկական անձը, ով 2020 թվականի սեպտեմբերի 27-ի դրությամբ ունեցել է վարկային պարտավորություն Արցախի Հանրապետության և Հայաստանի Հանրապետության տարածքում գործող բանկերում, ֆինանսավարկային կազմակերպություններում կամ պետության կողմից ստեղծված հիմնադրամներում, մինչև 2020 թվականի պատերազմը փաստացի բնակվել է ԱՀ տարածքում, ունեցել է ԱՀ հաշվառում կամ աշխատանքի վայր: Պայմաններից է նաև, որ ծրագրի իրականացման ընթացքում՝ այսինքն ֆինանսավորման պահին, անձը բնակվում է Արցախի Հանրապետությունում, որի համար բացառություն է սահմանված տեղահանված և զոհվածների ընտանիքների համար:Իրազեկվել է, որ նաև իրավաբանական անձանց է աջակցություն ցուցաբերվում, որը մեկնարկել է մոտ երկու ամիս առաջ: Ներկա դրությամբ 120 իրավաբանական անձի տրամադրվել է ավելի քան 260 մլն դրամի աջակցություն:«Գործող ծրագրի շրջանակներում ներկայումս իրականացվում է քաղաքացիների կողմից 2020 թվականի սեպտեմբերի 27-ից առ այսօր մարված վարկային պարտավորությունների վերադարձի գործընթաց: Այդ շրջանակներում հիմնադրամի կողմից ավելի քան 4 հազար պայմանագրերի գծով տրամադրվել է փոխհատուցում: Իրավաբանական անձանց դեպքում փոխհատուցումը տրամադրվում է երկու ուղղությամբ՝ 2020 թվականի սեպտեմբերի 27-ից մինչև 2021 թվականի ապրիլի 1-ը հաշվեգրված տոկոսագումարների դիմաց և պատերազմի հետևանքով նյութական վնաս կրածներին, որն ավելի մեծ ծավալների ծախսեր է պահանջում:Իրավաբանական անձանց հիմնական գործերը գտնվում են Նյութական վնասների հարցերի կոմիտեում՝ քննարկման փուլում: Հատուցումը տրվում է միայն կոմիտեի կողմից նյութական վնասի չափը հաստատելուց հետո»,-ընդհանրացրել է Մ. Մխիթարյանը
ԴԻՄՈՒՄ
ԱՀ կառավարության 17.03.2021թ. N 222-Ն որոշմամբ հաստատված վարկային պարտավորությունների կատարմանն ուղղված պետական ֆինանսական աջակցության ծրագիր

Դիմումների ընթացքի վերաբերյալ տեղեկատվություն ստանալու նպատակով անհրաժեշտ է դիմել Արցախի ներդրումային հիմնադրամ

հեռ.՝ 047 97 55 11,097 27 70 61,
097 27 70 63
հաշվիչ

Վարկային

Ավանդային

ՓՈԽԱՐԺԵՔ
01.12.2022
USD1394.87  0.08
GBP1473.61  1.45
EUR1408.89  -1.92
RUB16.49  0.11
Վերջին ՀՐԱՊԱՐԱԿՈՒՄը
Հայտարարություն
13 Մայիս 2019
Ի գիտություն Արցախի Հանրապետության տնտեսավարող սուբյեկտների.
Արցախի ներդրումային հիմնադրամը տեղեկացնում է, որ սույն թվականի մայիսի 31-ից հունիսի 3-ը Ծաղկաձոր քաղաքի «ՄՈՒԼՏԻ ՌԵՍՏ ՀԱՈՒՍ» հյուրանոցային համալիրում տեղի կունենա «Եվրասիական տնտեսական միություն՝ Հայաստան-Համագործակցություն» հինգերորդ հոբելյանական ամենամյա Բիզնես Համաժողովը:
Միջոցառման շրջանակներում կանցկացվեն պլենար և սեկցիոն նիստեր, կկազմակերպվեն երկկողմանի բիզնես-հանդիպումներ, ինչպես նաև Էքսկուրսիաներ և մշակութա-ժամանցային ծրագրեր:
 Միջոցառումը նպաստում է տարբեր երկրների և տարածաշրջանների գործարարների միջև արտադրական և առևտրային ուղղակի փոխշահավետ համագործակցության հաստատմանը: 
Միջոցառմանը մասնակցելու ցանկություն ունեցող ՓՄՁ սուբյեկտներին Արցախի ներդրումային հիմնադրամի կողմից կցուցաբերվի համապատասխան խորհրդատվական, կազմակերպչական և ֆինանսական աջակցություն:
Միջոցառման ծրագրին և մասնակցության հայտին կարող եք ծանոթանալ հետևյալ հղումներով՝

Լրացուցիչ տեղեկությունների համար կարող եք դիմել Արցախի ներդրումային հիմնադրամ կամ զանգահարել ` (047) 96-55-76 հեռախոսահամարով:

  • «Արցախ ֆրութ» ՓԲԸ

    Գյուղատնտեսական մթերքների վերամշակում և պահածոների արտադրություն
  • «Ֆիդես հիփոթեքային ընկերություն»ՈՒՎԿ ՓԲԸ

    Վարկային կազմակերպություն
  • «Ստեփանակերտ-Սերվիս» ՓԲԸ

    Ներքաղաքային երթուղիների սպասարկում
Հրապարակումներ
ՆԵՐԴՐՈՂԻ ՈՒՂԵՑՈՒՅՑ
Հաշվետվություններ