ԱՐՑԱԽԻ ՆԵՐԴՐՈՒՄԱՅԻՆ ՀԻՄՆԱԴՐԱՄ
Սույն թվականի հոկտեմբերի 26–ին հրավիրված լրատվամիջոցների ներկայացուցիչներին տեղեկացրել է, որ Արցախի Հանրապետության դեմ 2020 թվականի սեպտեմբերի 27-ին սանձազերծված պատերազմական գործողությունների հետևանքով դժվար կացության մեջ հայտնված ֆիզիկական և իրավաբանական անձանց վարկային պարտավորությունների կատարմանն ուղղված պետական ֆինանսական աջակցության ծրագրի իրականացման ծրագրի շրջանակներում առ այսօր հիմնադրամի կողմից ընդունվել է 47 հազար 600 դիմում:«Կառավարության որոշումն ընդունվել է 2021 թվականի մարտ ամսին, իսկ ապրիլից արդեն սկսել ենք աշխատել ծրագրի իրականացման ուղղությամբ: Այս պահի դրությամբ հաստատվել է աջակցության մոտ 35 հազար դիմում, մշակման փուլում է գտնվում 5300 -ը: Հաստատված դիմումներից ավելի քան 24 հազարը հաստատվել է 2022 թվականի ընթացքում,որը վերաբերում է մոտ 52 հազար վարկային պարտավորությունների, այդ թվում՝ 1700-ը գյուղատնտեսական վարկային պարտավորություններ, մոտ 50 հազարը սպառողական վարկային, իսկ 1000-ից ավելին՝ հիփոթեքային վարկային պարտավորություններ: Ընդհանուր առմամբ, 2022 թվականի ընթացքում բոլոր ուղղություններով հիմնադրամի կողմից տրամադրվել է ավելի քան 28 միլիարդ դրամի երաշխավորագիր: Այս տարվա հոկտեմբերի 5-ից կրկին մեկնարկել է դիմումների ընդունման գործընթացը, որը մինչ այս դադարեցվել էր ԱՀ Կառավարության որոշմամբ: Այն քաղաքացիներն ու իրավաբանական անձինք, որոնք չեն հասցրել դիմում ներկայացնել աջակցությունից օգտվելու համար, կարող են այցելել հիմնադրամ և տեղում լրացնել դիմումը»,-ասել է Մ. Մխիթարյանը՝ հավելելով, որ ծրագիրը կիրականացվի մինչև 2023 թվականի հոկտեմբերի 1-ը:Նշվեց նաև  որ, աջակցությունից կարող է օգտվել այն ֆիզիկական անձը, ով 2020 թվականի սեպտեմբերի 27-ի դրությամբ ունեցել է վարկային պարտավորություն Արցախի Հանրապետության և Հայաստանի Հանրապետության տարածքում գործող բանկերում, ֆինանսավարկային կազմակերպություններում կամ պետության կողմից ստեղծված հիմնադրամներում, մինչև 2020 թվականի պատերազմը փաստացի բնակվել է ԱՀ տարածքում, ունեցել է ԱՀ հաշվառում կամ աշխատանքի վայր: Պայմաններից է նաև, որ ծրագրի իրականացման ընթացքում՝ այսինքն ֆինանսավորման պահին, անձը բնակվում է Արցախի Հանրապետությունում, որի համար բացառություն է սահմանված տեղահանված և զոհվածների ընտանիքների համար:Իրազեկվել է, որ նաև իրավաբանական անձանց է աջակցություն ցուցաբերվում, որը մեկնարկել է մոտ երկու ամիս առաջ: Ներկա դրությամբ 120 իրավաբանական անձի տրամադրվել է ավելի քան 260 մլն դրամի աջակցություն:«Գործող ծրագրի շրջանակներում ներկայումս իրականացվում է քաղաքացիների կողմից 2020 թվականի սեպտեմբերի 27-ից առ այսօր մարված վարկային պարտավորությունների վերադարձի գործընթաց: Այդ շրջանակներում հիմնադրամի կողմից ավելի քան 4 հազար պայմանագրերի գծով տրամադրվել է փոխհատուցում: Իրավաբանական անձանց դեպքում փոխհատուցումը տրամադրվում է երկու ուղղությամբ՝ 2020 թվականի սեպտեմբերի 27-ից մինչև 2021 թվականի ապրիլի 1-ը հաշվեգրված տոկոսագումարների դիմաց և պատերազմի հետևանքով նյութական վնաս կրածներին, որն ավելի մեծ ծավալների ծախսեր է պահանջում:Իրավաբանական անձանց հիմնական գործերը գտնվում են Նյութական վնասների հարցերի կոմիտեում՝ քննարկման փուլում: Հատուցումը տրվում է միայն կոմիտեի կողմից նյութական վնասի չափը հաստատելուց հետո»,-ընդհանրացրել է Մ. Մխիթարյանը
ԴԻՄՈՒՄ
ԱՀ կառավարության 17.03.2021թ. N 222-Ն որոշմամբ հաստատված վարկային պարտավորությունների կատարմանն ուղղված պետական ֆինանսական աջակցության ծրագիր

Դիմումների ընթացքի վերաբերյալ տեղեկատվություն ստանալու նպատակով անհրաժեշտ է դիմել Արցախի ներդրումային հիմնադրամ

հեռ.՝ 047 97 55 11,097 27 70 61,
097 27 70 63
հաշվիչ

Վարկային

Ավանդային

ՓՈԽԱՐԺԵՔ
01.12.2022
USD1394.87  0.08
GBP1473.61  1.45
EUR1408.89  -1.92
RUB16.49  0.11
Վերջին ՀՐԱՊԱՐԱԿՈՒՄը
Վարկերի մարման հերթական փուլի մեկնարկի մասին: Այս մասին «Արցախպրես»-ի թղթակցի հետ զրույցում նշել է Արցախի ներդրումային հիմնադրամի գլխավոր տնօրենի տեղակալ Մհեր Մխիթարյանը:
03 Հունիս 2022

«Միայն մայիս ամսվա ընթացքում ավելի շատ սուբսիդավորման երաշխավորագրեր են տրամադրվել և մարումներ կատարվել, քան մինչ այդ։ Եթե 2022 թվականի առաջին եռամսյակի ավարտին կատարել էինք մոտ 10 հազար շահառուների դիմումների հաստատում, և աջակցություն է տրամադրվել մոտ 20 հազար վարկերի գծով, ապա միայն մայիս ամսվա ընթացքում տրամադրվել է ավելի քան 14,5 հազար անձանց հաշվով մոտ 30 հազար վարկի մարման երաշխավորագիր»,- նշել է Մ. Մխիթարյանը և ընդգծել, որ երաշխավորագրերը տրամադրված են բանկերին, սակայն, հաշվի առնելով մեծ քանակը, ընդհանուր գործընթացն ավարտվելու է հունիս ամսվա վերջին։

Յուրաքանչյուր բանկի հետ կնքված համագործակցության պայմանագրի շրջանակներում, այս փուլի սուբսիդավորման ծրագիրն ավարտվելուց հետո, բոլոր քաղաքացիները ծանուցվելու են, որից հետո կարող են դիմել համապատասխան բանկ կամ վարկային կազմակերպություն` իրենց վարկի վերաբերյալ քաղվածք ստանալու:

«Ծրագրի մեկնարկած պահից մինչ այսօր հաստատվել է ավելի քան 24,5 հազար դիմում: Դիմումները հաստատվել են մոտ 50 հազար վարկային պայմանագրի մասով: Ընդհանուր պետական բյուջեի միջոցների հաշվին նախատեսված է մոտ 25 միլիարդ ՀՀ դրամ աջակցություն, որը տրամադրվելու է գործընթացի ավարտից հետո՝ մինչև հունիսի վերջը»,- ասել է մեր զրուցակիցը` ավելացնելով, որ երաշխավորագիր տրամադրել՝ չի նշանակում գումարը փոխանցել: Շահառուն պետք է համապատասխան գործընթաց անցնի վարկային կազմակերպությունում, որից հետո գումարը տրամադրվում է, և վարկը` մարվում:

Կառավարության որոշմամբ` դիմումների ընդունման վերջնաժամկետ էր սահմանվել մինչև ընթացիկ տարվա հունիսի 1-ը: Ընդհանուր ընդունվել է 47.360 դիմում, որից 7.380 դիմումը սխալ կամ կրկնակի է եղել: Ներկայումս մշակման փուլում մնացել է 15.580 դիմում, որի զգալի մասը հաջորդ ամսվա ընթացքում նորից կմշակվի և կֆինանսավորվի: Առաջիկայում ամբողջ ծավալով կմեկնարկի հիպոթեքային վարկերի աջակցությունը:

Անդրադառնալով իրավաբանական անձանց փոխհատուցումներին՝ մեր զրուցակիցը նշեց, որ մայիսին նրանց մասով նույնպես ծրագրի երկրորդ փուլն է մեկնարկել:

«Իրավաբանական անձանցից, ընդհանուր առմամբ, ստացվել է մոտ 500 դիմում: Նրանց մասով տրվող պետական աջակցությունը բաժանվում է երկու մասի. առաջին մասը 2020 թվականի սեպտեմբերի 27-ից մինչև 2021 թվականի ապրիլի մեկը վարկերի հաշվարկված տոկոսագումարի հատուցումն է, երկրորդ մասը` պատերազմի հետևանքով նյութական վնաս կրած և եկամուտի աղբյուր կորցրած իրավաբանական անձանց աջակցությունն է»,- ասել է Մ. Մխիթարյանը՝ եզրափակելով, որ արդեն հատկացվել է մոտ 700 միլիոն ՀՀ դրամ:


  • «Արցախ ֆրութ» ՓԲԸ

    Գյուղատնտեսական մթերքների վերամշակում և պահածոների արտադրություն
  • «Ֆիդես հիփոթեքային ընկերություն»ՈՒՎԿ ՓԲԸ

    Վարկային կազմակերպություն
  • «Ստեփանակերտ-Սերվիս» ՓԲԸ

    Ներքաղաքային երթուղիների սպասարկում
Հրապարակումներ
ՆԵՐԴՐՈՂԻ ՈՒՂԵՑՈՒՅՑ
Հաշվետվություններ