Ողջունում եմ Ձեզ Արցախի ներդրումային հիմնադրամի պաշտոնական կայք Էջում: Կայքը նպատակաուղղված է օգտակար տեղեկատվություն տրամադրելու հանրությանը Արցախի ներդրումային հիմնադրամի կողմից իրականացվող պետական աջակցության ծրագրերի մասին և երկխոսություն հաստատելու հիմնադրամի շահառուների հետ նրանց հուզող հարցերի շուրջ: Արցախի ներդրումային հիմնադրամի փոքր ու միջին ձեռնարկատիրության աջակցության ծրագրերը նպատակ ունեն նպաստելու ԱՀ սոցիալ-տնտեսական և տարածքային կայուն զարգացմանը, իսկ հիփոթեքային վարկավորմամբ բնակարաններ ձեռք բերելու կամ վերանորոգելու ֆինանսական աջակցության ծրագրերը` ԱՀ բնակչության բնակարանային պայմանների բարելավմանն ու բնակարանաշինության զարգացմանը: Մեր կայք Էջում Դուք կգտնեք հավաստի տեղեկատվություն ԱՀ-ում ՓՄՁ զարգացման պետական աջակցության ծրագրերի,Արցախի ներդրումային հիմնադրամի գործունեության, աջակցության ուղղությունների և ընթացակարգերի մասին: Հիմնադրամի աշխատողները պատրաստ են Ձեզ տրամադրել մասնագիտական և որակյալ տեղեկատվական աջակցություն` ինչպես ՓՄՁ պետական աջակցության, այնպես էլ հիփոթեքային վարկավորմամբ բնակարաններ ձեռք բերելու պետական աջակցության ծրագրերի, ընթացակարգերի վերաբերյալ: Արցախի ներդրումային հիմնադրամը, կարևորելով ներդրումների դերը ԱՀ տնտեսական առաջընթացի և բնակչության կյանքի որակի բարձրացման գործում, պատրաստակամ է ազգային տնտեսության տարբեր ոլորտներում ներդրումներ կատարելու ցանկություն ունեցող անձանց ցուցաբերել տեղեկատվական, ֆինանսական, տեխնիկական աջակցություն, ինչպես նաև օժանդակել ֆինանսական միջնորդությամբ: Արցախի ներդրումային հիմնադրամը մեծապես կարևորում է Ձեր առաջարկություններն ու կարծիքները, որոնք կարող եք թողնել մեր կայքի համապատասխան բաժնում:

Հարգանքով ` Արտակ Միրզոյան
Գլխավոր տնօրեն